Sparkvöll við Fossvogsskóla

Sparkvellir eru komnir við marga skóla út um allt land og hafa notið vinsælda enda bylting í aðbúnaði. Það er mikið hagsmunamál fyrir börnin okkar að sparkvöllur verði að veruleika við Fossvogsskóla og þau þurfi ekki að leika sér á grjóthörðu malbiki. Skv. heimasíðu KSÍ er hægt að sækja um styrk úr mannvirkjasjóði KSÍ til þessara framkvæmda.

Lóð skólans hefur lítið verið sinnt til margra ára og er komin í nokkra niðurníðslu og er löngu tímabært að bæta þar úr. Ég held að sparkvöllur sé brýnni fyrir börnin heldur en blómabeð, enda vantar ekki gróður í dalinn.

Sonur minn sem elskar að stunda knattleiki hefur ítrekað komið skrámaður og marinn heim þar sem völlurinn er í raun hættulegur eins og fram hefur komið. Þetta er löngu tímabært.