Mikið af börnum í Vesturbæjarskóla eru búsett í götunum í kringum gamla kirkjugarðinn og þurfa að ganga yfir Hofsvallagötuna á tiltölulega langri leið sinni í skólann. Þá má nefna að um helmingur af bekk sonar míns býr á því svæði. Það er ekið mjög hratt á Hofsvallagötunni og því miður sjaldan stoppað fyrir þeim. Af þessum sökum þori ég ekki að senda barnið mitt eitt gangandi til skóla.
Vesturbæjarskóli byrjar kl 08:45, opnar kl 08. Ég er einstæð móðir með 8 ára dreng, bý á Brávallagötu. Ég starfa sem hjúkrunarfræðingur á LSH. Ég hef undanfarin tvo ár þurft að fá leyfi til þess að vera mætt kl 08:30 í 08 stað vinnufélögunum ekki til mikillar gleði. Það þýðir launaskerðingu um 5% eða um 20000kr og kostar það mig þ.a.l 30000kr meira að hafa barnið í skóla en leikskóla þar sem afsláttur til einstæðra hættir við skólagöngu. Ég hélt þetta yrði í tvö ár en nú stoppar Hofsvallagatan.
This content is created by the open source Your Priorities citizen engagement platform designed by the non profit Citizens Foundation