Hvað viltu láta gera? Gera Gnoðarvog að einstefnugötu á milli Engjateigs og Álfheima svo hjólandi og gangandi fái meira pláss. Hvers vegna viltu láta gera það? Mikil umferð gangandi og hjólandi er um þennan hluta Gnoðarvogs, m.a. af börnum sem sækja TBR. Gangstéttin er mjög þröng og varla hægt fyrir gagngandi og hjólandi að mætast þar. Á veturna er snjó iðulega rutt upp á gagnstéttina þarna sem gerir gangandi enn erfiðara fyrir. Auk þess slettist mjög mikið af götunni á gangandi vegfarendur vegna þrengslanna. Ef þessum bút væri breytt í einstefnugötu væri hægt að taka aðra akreinina undir breiðari gangstétt og hjólastíg. Þetta væri fín tenging fyrir hjólandi á milli Voga- og Sundahverfis og hjólastígsins við Suðurlandsbraut.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Skipulagsferill þessar hugmyndar væri of langur fyrir tímaramma verkefnisins eða hugmyndin samræmist ekki gildandi skipulagi á svæðinu. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation