Mikið af götuheitum bera "gata", "vegur" eða "braut" í nafninu, en því mætti sleppa. Erlendis er þetta stytt með því að hafa "st." fyrir "street" þar sem "st" er skrifað með smærra og minna áberandi letri, oft í hávísum. Þannig gæti "Hofsvallagata" verið "Hofsvallag." og Grandavegur verið "Grandav."
Með þessu getum við einfaldað lífið fyrir erlenda ferðamenn þar sem samsetning orða á íslensku skapa rugling sem getur verið hættulegur í umferðinni og tefjandi, lagt áherslu á fagurfræði við uppsetningu vegvísa þar sem minna verður um kraðak, auk þess að spara efniskostnað þar sem við þurfum minna pláss á skiltum. Auk þess er algjör óþarfi að taka fram á skiltum að viðkomandi sé að aka á "götu", "vegi" eða "braut", en með styttingunni er þó hægt að átta sig á því.
This content is created by the open source Your Priorities citizen engagement platform designed by the non profit Citizens Foundation