Borgin grípi inn í lóðir þar sem byggingar hafa tafist.

Víða um borg eru lóðir með hátimbruðum hugmyndum um hús, sem ekki urðu til. Borgin og verktakar bera sameiginlega ábyrgð á þessu og borgin (skipulagsyfirvöld) þurfa að hafa heimildir til að grípa inn í og vinna með lóðir, þar sem augljóst er að nokkur ár líði áður en byggt verður. Þar þarf að girða lóðina við lóðarmörk, ekki út á miðjar götur eins og milli Einholts og Þverholts. Einnig þarf að tyrfa lóðirnar svo nefnt sé ódýrt úrræði til að gera lóðina þekkilegri.