Sundabraut strax.

Sundabraut strax.

Points

Innríkisráðherra kynnti í dag 12 ára áætlun fyrir vegaframkvæmdir í landinu. Þar kemur fram að 240 milljarðar verði settir í jarðgögn, brýr og aðrar vegaframkvæmdir næstu árin. Stærsti hlutinn fer í kostnaðarsamar framkvæmdir úti á landi, jarðgöng á Vestfjörðum og víðar. Framkvæmdir s.s. Sundabraut og Miklabraut í stokk eru varla nefndar þrátt fyrir að þjóna mun fjölmennari hópi landsmanna. Borgarbúar aka lengri vegalengdir og verja meiri tíma í umferðinni daglega. Hvers eigum við að gjalda?

Í samgögnuáætlun 2011-2022 segir orðrétt: "Þá hefur mikill viðsnúningur orðið í viðhorfum til æskilegra framkvæmda á höfuðborgarsvæðinu frá 2008 að telja. Nú vilja flestir auka almenningssamgöngur, minnka umferð einkabíla og bæta göngu- og hjólreiðastíga. Áður vildu flestir flýta Sundabraut og efla stofnbrautakerfið. Stefnumið og áherslur samgönguáætlunar 2011–2022 eru í samræmi við efnahag þjóðarinnar og greinilegar viðhorfsbreytingar þeirra sem nota samgöngukerfið." Á þetta meinta viðhorfi borgarbúa til samgönguframkvæmda á höfuðborgarsvæðinu virkilega að setja allar úrbætur á samgöngumálum í Reykjavík á bið á meðan hver jarðgöngin á fæti öðru eru réttlætt með tímasparnaði á landsbyggðinni. Það er komin tími fyrir jarðgögn í Reykjavík!

Með Sundabraut má stytta allar leiðir sem liggja frá Reykjavík vestur um land. Sundabraut er búin að vera á teikniborðinu í áratugi en alltaf er henni slegið á frest. Kjalarnes er hluti af Reykjavík, en fara þarf í gegn um annað sveitarfélag Mosfellsbæ til að komast þangað. Að mínu mati hefur of miklu fjármagni verið eytt í óteljandi og óþolandi hringtorg í Mosfellsbæ. Reykjavíkurborg ætti að berjast fyrir þessari framkvæmd þó hún sé ekki eingöngu í þágu okkar Reykvíkinga.

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information