Útikennslustofa/útieldunarstæði á Ægissíðu

Íbúum sem og skóla-og frístundastarfi í Vesturbæ vantar aðstöðu fyrir uppbyggilega útivist, hvort sem það er til formlegs- eða óformlegsnáms eða bara tómstundaiðkunar. Pælingin mín er sú að fara svipaða leið og farið var upp í Grafarholti þar sem íbúarnir fengur þá hugmynd að gera í sameiningu útivistarsvæði við Reynisvatn. Ég sé fyrir mér að borgin mundi fjármagna slíka aðstöðu og Frostaskjól gæti haldið utan um þetta verkefni í samstarfi Hagaskóla ásamt, öðrum grunn- og leikskólum í Vesturbæ.

Hér má vísa í þær tillögur sem komið hafa fram um betri nýtingu Grímsstaðavarar. Það væri mikil lyftistöng fyrir Ægisíðuna ef grásleppuskúrarnir væru lagfærðir eða jafnvel endurreistir í upprunalegri mynd en þá með meira notagildi. Einhverja skúra mætti nota sem aðstöðu til kennslu í náttúrufræði. Önnur hugmynd væri að nýta einn skúr sem sturtuaðstöðu fyrir sjósundsfólk. Meginhugmyndin er þó að ásýnd Grímsstaðavarar fái að halda sér en fái notagildi með uppfærslu / endurreisn.