Til að stemma stigu við útbreiðslu kerfils fái borgin sauðfé að láni hjá sauðfjáreigendum í borginni til að beita á kerfilinn. Til að mynda þeim sem halda fé sitt í fjár- og hesthúsahverfinu Fjárborg. Þekkt er að sauðfé heldur kerfli í skefjum, mun betur en sláttur. Sauðfjárbeit á grænum svæðum innan borgarmarka er þekkt til að mynda í Svíþjóð, og gefur það borgum hlýlegan blæ.
Kerfill er ágeng tegund, og breiður af honum eru auðkenndar af tegundafæð. Það hefur sýnt sig á Stykkishólmi að sláttur á kerfli er ekki jafn árangursríkur og vonast var til. Því má hugsanlega spara mannafl með því að beita sauðfé á kerfil innan borgarmarka Reykjavíkur. Að auki væri augnayndi að sauðfjárbeit innan borgarmarkanna. Hún myndi auka á sérstöðu Reykjavíkur miðað við aðrar höfuðborgir frá sjónarhóli ferðamanna.
This content is created by the open source Your Priorities citizen engagement platform designed by the non profit Citizens Foundation