Í Árbænum er mikið um botnlanga og jafnframt mikið um göngu- og hjólastíga. Götur eru merktar þar sem þær mæta öðrum götum en ekki þar sem þær mæta stígunum. Af þessum sökum á göngu/ hjólafólk oft erfitt með að átta sig á hvar það er statt. Tillagan er sú að bætt verði úr þessu með því að merkja botnlangaenda gatna þar sem þær liggja að fjölförnum göngu- og hjólastígum.
Árbærinn einkennist öðru fremur af miklum fjölda skemmtilegra göngu- og hjólaleiða. Mikilvægt er að þeir sem nýta sér þennan ferðamáta þurfi ekki að ganga götur á enda til þess að vita hvað þær heita. Því skyldi staðsetning manns í borginni skipta minna máli þegar maður er gangandi eða hjólandi frekar en á bíl? Merkingar gatna þar sem þær mæta stígum hlýtur að vera eðlilegt framhald af stóraukinni áherslu á göngu- og hjólastígagerð í borginni.
This content is created by the open source Your Priorities citizen engagement platform designed by the non profit Citizens Foundation