Slipparóló - leikvöllur og kaffihús í skipi í miðborginni

Því miður lítur út fyrir að slippurinn fari af þeim stað sem hann er nú við Reykjavíkurhöfn. Þarfir slippa hafa breyst, og hótel og íbúðir eru að rísa allt í kring. Mikil byggð rís á þessu svæði og hefðbundin hafnastarfsemi hverfur. Því ekki að láta skip standa áfram 'í slipp', breyta þeim í frábæran rólóvöll, með sandi í kring, kaffihúsi/veitingastað um borð, boltalandi, köðlum, dýnum, klifurgrindum og hinu og þessu fyrir krakka um borð og í kring. Leikvöllur með sögulega skýrskotun.

Ég veit ekki með róló um borð í skipi í slippnum því það væri eflaust talsvert flókið í framkvæmd og margar öryggiskröfur sem þyrfti að uppfylla. Ef það væri rekstur, t.d. veitingarekstur væri rólóinn örugglega bara opinn á ákv. tímum og auk þess finnst mér meira en nóg af veitingastöðum þegar á svæðinu. Mér finnst grunnhugmyndin samt mjög góð, þ.e. róló á slippsvæðinu enda væri það skemmtileg viðbót í flóruna á þessu áhugaverða svæði sem Gamla höfnin er orðin. Á róló mætti samt vera gamall eikarbátur sem börn og aðrir gæru gengið um borð í og til að leika sér og hafa gaman.