Áætlun til að bæta næringu nemenda skólanna

Hollfæði í mötuneytum skóla skilar nemendum betri líðan og námsárangri, það er margsönnuð staðreynd.

Bjóða hollari kost til sölu innan veggja skólans. Auka opnunartíma sjoppu innan skólans og velja inn í hana hollari vörur. Samstarf við hverfabúðir um hollustu

Mötuneytismaturinn má líka vera hollari en hann er nú.

Í dag þurfa leikskólarnir, a.m.k. leikskóli sonar míns, að reka sín mötuneyti á 255 kr. pr. barn pr. dag. Það er auðvitað fráleit upphæð. Ég er sannfærður um að yfirgnæfandi fjöldi foreldra væri tilbúinn að borga 100 kr. á dag aukalega í leikskólagjöld (2.000 kr. á mán.) ef það yrði til þess að hækka það sem eldhúsið hefur úr spila þó ekki sé nema upp í 355 krónur á dag. Það er ekki hátt en 20% hækkun frá því sem það er í dag.

Maturinn í mötuneytinu þarf einnig að vera betri en hann er nú.

Ég myndi líka vilja borga meira fyrir hollari mat í leikskólum. Og varðandi skólana myndi ég vilja sjá sparnaðinum frekar hagað þannig að skera niður t.d. 1-2 daga þar sem nestið heimanfrá tekur við og þessir 1-2 dagar eru þá á ábyrgð foreldranna hvort sem þeir vilja senda barnið með hollan eða síður hollan mat í skólann. Og að gæði fæðunnar hina dagana í skólamötuneytunum verði meiri í staðinn. Þetta vil ég miklu frekar en síðri gæði alla daga.

Aukin útgjöld skóla eru kannski ekki heppileg. Svo eru ekki allir sem vilja eða geta greitt fyrir nesti á vegum skólans.

Ég væri til í að greiða eitthvað fyrir að skólinn myndi sjá til þess að nemendur fengju grænmetis- eða ávaxta-snarl í nestistímum og geta þá sleppt því að koma með nesti. Það væri mjög einfalt að prófa þetta til reynslu í einhverjum skóla.

Mér þykir tilvalið að börnin fái grænmeti og ávexti í nestistíma í skólanum. Þegar börn koma með nesti að heimann verður oft samanburður og leiðindi.