Strætómiðar fyrir námsmenn

Strætómiðar fyrir námsmenn

Points

Auðvitað tek ég afstöðu þína í leikskólamálum nærri mér. Hún kemur þessu máli víst við. Það er ekki hægt að biðja um afslátt fyrir einn þjóðfélagshóp og í sama andartaki vera á móti réttarbót fyrir annan .. þ.e.a.s. yngstu kynslóðina! Það er kallað double standard!

Hvað með klippikort ? Er það ekki einfaldasta leiðin í þessu dæmi ? Kostar að vísu smá framlag frá bílstjórunum en flestir væru trúlega til í það.

Ég skil hreinlega ekki hvert þú ert að fara með þetta. Vissulega tala ég um að samgöngukerfið ætti að vera rekið með skattpeningum og að sá kostnaður myndi þá lenda hlutfallslega meir á þá sem eiga meiri pening (réttara sagt á þá sem hafa hærra mánaðarkaup). Á móti myndu þeir hagnast sem eiga minna á milli handanna (þ.e. hafa lægra mánaðarkaup), s.s. nemar og ungt fjölskyldufólk. Sparnaðurinn yrði svo enn meiri ef þetta fólk keyrði um á einkabílum fyrir og gætu þá selt hann og sparað þannig allan rekstrarkostnað við bílinn. Ég vona að þú takir ekki afstöðu mína í leikskólamálinu of nærri þér, hún á heldur ekki að koma þessu máli við.

Það er eitthvað í þessu hjá þér sem meikar ekki heila brú!

Með því að gefa frítt í strætó og reka samgöngukerfið með skattpeningum lendir kostnaðurinn á þeim sem eiga mestan pening og léttir undir þeim sem minna mega sín. Finnst þér það slæm hugmynd, Jóhann?

Fer Strætó ekki að innleiða rafræna farmiða eins og tíðkast nánast allstaðar erlendis?

Já, eins og?

Ég er þeirra skoðunnar að fjölskyldur séu hornsteinn samfélagsins og að foreldrar eiga að sjá fyrir börnum sínum í gegnum nám eins og unnt er. Það að hafa hluti fría er vafasamt. Því finnst mér námsmanna strætokort á sanngjörnu verði flott innlegg. Ég sá á Akureyri að ungmenna árskort kostaði 1000kr. Krökkunum finnst þeir eiga eitthvað frekar en að það sé frítt fyrir börn. Þetta er allt spurning um hvernig maður horfir á hlutina. Auðvitað endar þetta alltaf að mestu sem samfélags kostnaður og hvað með það.

Í upphafi hverrar annar þarf námsmaðurinn að ákveða hvort hann vilji nýta sér námsmannaafslátt af strætókortum. Þá er annað hvort hægt að fjárfesta í einnar annar korti eða vetrarkorti en seinni möguleikinn er hagstæðastur. Hér mætti bjóða upp á þann möguleika að námsmenn geti keypt strætómiða með afslætti. Þannig yrði komið til móts við þá sem hefðu áhuga á að nýta sér strætó suma daga, en annan samgöngumáta aðra daga t.d. gengið, hjólað eða fengið far með félaga.

Jóhann, ég held að þú sért að lýsa leigubílum. Það er og á að vera óháð strætókerfinu. Það fer ekki fyrir brjóstið á neinum að þurfa að greiða sitt gjald, við erum einfaldlega að reyna að fá sem flesta til að nota strætó og hagræða reksturinn í leiðinni. Ókeypis strætó (e. zero-fare) hefur marga kosti í för með sér en virðist hins vegar fara í brjóstið fyrir kapítalístum sem vilja helst ekki sjá skatta. Þú mátt endilega kynna þér rökin sem ég er búinn að setja fram í þessum umræðum með ókeypis strætó og svara því sem þú ert ósammála. Ég vil gjarnan ræða þessi mál á faglegan hátt þar til Reykjavíkurborg tekur þetta mál fyrir.

Það versta við stætókortin er að þurfa að punga út á 3-6-12 mánaða fresti. Þann mánuðinn verður ekki mikið meira gert. Ef það væri hægt að vera í áskrift - væri auðveldara að kjúfa útgjöldin, jafnt fyrir vinnandi fólk, námsmenn á öllum aldri, og fólk í barneignarfríi. En að hafa ókeypis í strætó - annað hvort fyrir alla eða engann.

Ég var að átta mig á því að þessi umræða er ekki undir þeirri hugmynd sem ég hélt að hún var. Ég gerði samt ráð fyrir að þú varst að vitna í http://betrireykjavik.is/priorities/11-okeypis-i-straeto-og-tidari-ferdir þegar þú sagðir "Það virðist hafa farið fyrir brjóstið á mörgum að þurfa að greiða sitt gjald." Annars verður þú að fyrirgefa mér.

Ég á 3 börn 16 ára,10 ára 4 ára. Ég þarf nokkru sinnum í viku að fara af stað og slíta götum borgarinnar og kaupa meira eldsneyti og menga meira til að koma mínum börnum hingað og þangað í frístundum. Það hlýtur að vera haghvæmara að hafa hreinlega frítt í strætó fyrir börn á skólaaldri.

Það virðist hafa farið fyrir brjóstið á mörgum að þurfa að greiða sitt gjald. Hvort það séu námsmenn eða aðrir. Reykjavíkurborg getur ekki einu sinni staðið við sínar skuldbindingar hvað þá heldur að fella niður gjöld, sem gerir ekkert annað enn að hækka gjöld þeirra sem greiða skatta í Reykjavík.. Jórun ég er ekkert að miskilja neinn. Það væri nær að lækka fargjöld og koma til móts við þá sem nota strætisvagna. Um leið þyrfti að aðlaga kerfið að þeim þáttum sem snúa að þjónustu. Með því að búa til stóra miðstöð þar sem fólk gæti tekið vagn sem því hentaði, til þess að kerfi myndi ganga upp þá þyrfti að kaupa minni vagna sem keyrðu um hverfi og smalaði fólki saman með auknum ferðum. Tala um kort það er svo dýrt í framleiðslu. Frekar að breyta afgreiðslukerfinu.

Takk fyrir mótrökin Jóhann, gagnrýni er góð en ég held engu að síður að þú hafir misskilið tillögu mína. Hún snýst ekki um að frítt verði með öllu í strætó fyrir menntaskóla- og háskólanema. Þó ég sé nú ekki sammála þér með að engum sé hollt að öðlast eitthvað fríkeypis get ég fallist á að um leið og eitthvað er frítt getur það leitt af sér að minni virðing verði borin fyrir afurð af einhverju tagi, í okkar tilviki: Þjónustu Strætó. Mín hugsjón er að nemum verði boðið upp á að nýta sér nemendaafslátt við kaup af strætómiðum. Ef einhver lumar að rökum sem útskýra hvers vegna ætti aðeins að koma til móts við nema við kaup á vetrar- eða einnrar annar kortum þætti mér gaman að heyra þau. M.ö.o: Ef ákveðið hefur verið að koma til móts við nema á annað borð, hvers vegna ætti að takmarka það við kortakaup? Tillögur þínar um umbætur á leiðakerfi, fargjaldslækkun og mini-bus eru góðar, og jafnvel efni í nýja hugmynd!

Það er engum holt að á frítt. Því það eru við sem borgum að lokum með hækkun skatta. Hinsvegar mætti bæta leiðir og þjónustu og lækka gjaldið. Og fá minni vagna sem safna fólki saman á einn stað þar sem fólki gæti farið sínar leiðir. það eitt myndi draga úr bílaumferð.

Þú vilt á einu stað ekki taka inn börn á leikskóla fædd 2010 og á öðrum stað viltu gefa frítt í strætó? Þú talar um að skattpeningurinn eigi að lenda á þeim sem eiga mestan pening! Eru það foreldrar leikskólabarna? Þegar þú talar um að létta á þeim sem minna mega sín hlýtur þú að horfa til foreldra í borginni sem borga mest? Eða sérðu bara fyrir þér nema? Ég var einu sinni nemi og kannski verður þú einhvern tíma foreldri! Mundu að þú ert hluti af heild!

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information